Café Para Llevar | Quiénes Somos

ERAMATEKO PREST DAGOEN KAFEARI DAGOKIONEZ, AITZINDARI ETA BURU GARA ESPAINIAKO MERKATUAN. HORREZ GAIN, KAIKU CAFFÈ LATTE EZINBESTEKO OSAGARRIA DA, EROSOA ETA MODA-MODAKOA, BERE CUP FORMATUARI ESKER.

Espainia osoan banatzen da Kaiku Caffè Latte, eta gustu bakoitzerako aukera zabala du bere produktu-gama osoan. Kafe-zale guztiek aurkituko dute beren gustuko aukera: Espresso, Capuccino, Macchiato, Kafeinagabea, Light, Banilla, azukre erantsirik gabea eta laktosarik gabea. Den-denak esne freskoarekin egiten ditugu, eta modu iraunkorrean ekoitzitako kalitatezko Arabiga kafe-aleekin.

Kafeinarik gabeko aukera eskaintzeaz gain, produktu-gama aberastu dugu Kaiku Choco Latte-rekin; pertsona guztientzako txokolatezko irabiatua, % 90 esne freskoaz eta % 10 txokolate suitzar onenaz egina.

Kaiku Caffè Latte KAIKU CORPORACIÓN ALIMENTARIA taldearen marka bat da. KAIKU CORPORACIÓN ALIMENTARIA 2004an eratu zen, eta GURELESA eta COPELECHE abeltzain-kooperatibek berrogeita hamarreko hamarkadan martxan jarritako esne-zentralen ondorengoa da. Etorkizun handiko enpresa da, iraganaz harro, ezaugarri hauek xede dituena: jatorria, kalitatea, berrikuntza eta nazioartekotzea.

KAFEAREN ONURAK ETA PROPIETATEAK

Kafeak, zentzumenak piztu eta gogoa erne edukitzen laguntzeaz gain, freskura- eta hidratazio-sentipena sorrarazten digu, batez ere haren uda-garaiko bertsioetan. Kafeinak, gainera, gogo-aldartea hobetzen du, pizgarri naturala baita.

Kafearen hainbat propietateren artean, kafeina hantura-kontrako substantzia naturala da; beraz, azaleko gorritasunak eta hanturak gutxitzen ditu, eta azala zainduta eta orekatuta izaten laguntzen du.

Bestalde, kafearen ahalmen antioxidatzaileari esker, oinarrizkoa da zelulitisaren kontrako edertasun-tratamenduetan. Betiko moduan nahiz esfoliatzaile gisa erabiliz, kafeak azala hidratatzen du, eta likidoen erretentzioaren kontra egiten du; azken hori da, hain zuzen, zelulitisaren eragile nagusia.

Kafearen propietate antioxidatzailea, gainera, zahartzearen aurkako aliatu bikaina da, azala ahalik distiratsuen eta elastikoen izaten laguntzen baitu.

granos de café, quienes somos, Kaiku Caffè Latte

KONPROMISOA

Kaiku Caffè Latte-ren “eramateko” formatua kontsumo-eredu berriei erantzuteko sortu da. Bistakoa da gizartearen elikadura-ohiturak aldatu egin direla XXI. mendean, eta horregatik hartu dugu konpromisoa gure bezeroekin. Kaiku Caffè Latte-n, gure bezeroak dauden lekuan egon nahi dugu, produktu onena eskainiz.

Banan-banan hautatzen ditugu Arabiga kafe-aleak, horiek soilik betetzen baitituzte gure estandarrak; horra hor gure kafearen kalitatearen funtsa. Kaiku Caffè Latte mota bakoitza paregabea da: zapore zoragarri eta berezia du, ale-motaren eta jatorri-izendapenaren arabera. Txigortze-prozesua arreta eta kontu handiz egiten dugu, familiako tradizioari eutsiz eta eskuz; horrela, erraz-erraz edaten diren zapore erakargarriak lortzen ditugu.

Jakin badakigu ez dela nahikoa kafe-ale on batzuk eta esne fresko-freskoa izatea espresso onena egiteko. Kafe usaintsu bat egitea artelana da, eta baristarik onena behar da horretarako. Kafe-aleak, kalitatezko ura, tenperatura eta presioa ezin hobeki konbinatu behar dira espressorik onena lortzeko.

IRAUNKORTASUNA

Arabiga kafe-aleak erabiltzen ditugu gure Kaiku Caffè Latte guzti-guztiak egiteko; kafe-ale horiek modu iraunkorrean ekoizten eta landatzen dira, RAIN FOREST ALLIANCE erakundeak ziurtatutako kafe-plantazioetan. Gure enpresan, esnea, esnekiak eta bestelako elikagai-produktuak eraldatzen eta ontziratzen ditugu, eta jakin badakigu ingurunearekin erantzukizunez jokatu behar dugula.

Badakigu garapen ekonomikoa eta ingurumenaren babesa bateragarri egin behar ditugula. Horregatik, kutsaduraren prebentziorako konpromisoa hartu dugu, eta ingurumena txertatu dugu gure erakundearen eguneroko kudeaketan. Ingurumen-legedia betetzeaz harago, etengabe ingurumena hobetuz joatea da gure erronka nagusietako bat.